სერვისების მიწოდების ხელშეკრულება

მხარეები:
ერთის მხრივ – შპს „მაიგოუ“ (შემდგომში — „მომწოდებელი“);
მეორეს მხრივ – მომსახურების მიმღები პირი (შემდგომში — „მიმღე“);
თანხმდებიან დადონ ხელშეკრულება შემდეგ პირობებზე:

1. ხელშეკრულების საგანი
1.1 ხელშეკრულების დადებით (მათ შორის ელექტრონულად დადასტურებით), მხარეები თანხმდებიან, რომ „მომწოდებელი“ უზრუნველყოფს იმ მომსახურებებს, რომლებიც განსაზღვრულია ქვემოთ, „მიმღის“ სურვილის შესაბამისად.
1.2 მომსახურებები მოიცავს ვებ-სერვისების მიწოდებას, მათ შორის გამოყოფილ და ვირტუალურ სერვერებს, გაზიარებულ ჰოსტინგს, ელ. ფოსტას, ფაილსაცავებს და სხვა ციფრულ რესურსებს, რომლებიც ემსახურება მხოლოდ „მიმღების“ საჭიროებებს.

2. ურთიერთპასუხისმგებლობა
2.1 მხარეები ვალდებულნი არიან, შეასრულონ თავიანთი მოვალეობები დროულად და ზუსტად.
2.2 შეთანხმების შეწყვეტის საჭიროების შემთხვევაში, შესაბამისმა მხარემ მეორე მხარეს უნდა აცნობოს ადეკვატური ვადით წინასწარ და მიაწოდოს ინფორმაცია მომსახურების შეჩერების მიზეზების შესახებ.

3. ანაზღაურება
3.1 „მიმღე“ ვალდებულია დროულად დაფაროს „მომწოდებლის“ მიერ გაცემული ინვოისის საფუძველზე დადგენილი თანხა.
3.2 ინვოისის გადაუხდელობის შემთხვევაში, გადავადება ითვლება მხოლოდ ხუთ კალენდარულ დღედ. ამის შემდეგ „მომწოდებელს“ უფლება აქვს შეაჩეროს სერვისის მიწოდება.

4. თანხის დაბრუნების პირობები
4.1 თანხის დაბრუნება შესაძლებელია მხოლოდ იმ შემთხვევაში, თუ „მომწოდებელი“ ვერ უზრუნველყოფს მომსახურების მიწოდებას ან ხარვეზი არის მისი ბრალეულობით და არ ხდება ხარვეზის გამოსწორება 24 საათში გაფრთხილებიდან.
4.2 თანხა არ დაიბრუნება იმ მიზეზებით გამოწვეული შეფერხების შემთხვევაში, რომლებიც განპირობებულია ტექნიკურ ან ფორსმაჟორულ მიზეზებით.

5. ვალდებულებები
5.1 „მომწოდებელი“ პასუხისმგებელია ტექნიკის გამართულობაზე, განახლებებზე და უსაფრთხოებაზე.
5.2 „მიმღე“ ვალდებულია გამოიყენოს რესურსები გონივრულად და შეინარჩუნოს ზუსტი მონაცემები საკუთარ ანგარიშზე.

6. კონფიდენციალურობა
6.1 „მომწოდებელი“ ვალდებულია არ გაავრცელოს პირადი ან სისტემური ინფორმაცია მესამე პირისთვის, გარდა კანონით გათვალისწინებული შემთხვევებისა.
6.2 ინფორმაციის გადაცემა შესაძლებელია მხოლოდ სახელმწიფო სტრუქტურების ოფიციალური მოთხოვნის საფუძველზე ან შიდა ანალიტიკური მიზნებისთვის.

7. სარეზერვო ასლები
7.1 სარეზერვო ასლების შექმნა და შენახვა ხდება მხოლოდ იმ შემთხვევაში, თუ ეს გათვალისწინებულია არჩეულ მომსახურებაში.
7.2 მოთხოვნის შემთხვევაში, ასლები მიეწოდება „მიმღეს“, გარდა 4.3 პუნქტში აღწერილი სიტუაციებისა.
7.3 გადაუხდელობის ან ანგარიშის შეჩერების შემთხვევაში, სარეზერვო ასლების შენახვა არ ხდება.
7.4 შეძენილი პაკეტის დისკური სივრცის გადაჭარბების შემთხვევაში, ავტომატური სარეზერვო ფუნქცია შესაძლოა შეწყდეს, სანამ მხარეები არ მიაღწევენ შეთანხმებას.
7.5 „მიმღე“ პასუხისმგებელია პირადი ასლების პერიოდულ შენახვაზე.

8. ფაილების შენახვა
8.1 ეს მუხლი არ ვრცელდება სარეზერვო ასლებზე.
8.2 გადაუხდელობის შემთხვევაში, „მომწოდებელს“ უფლება აქვს წაშალოს მომხმარებლის ფაილები 80 დღეში.
8.3 სხვა შემთხვევებში, მომხმარებლის ფაილების შენახვის ვადა შეიძლება დადგინდეს ინდივიდუალურად.

9. უწყვეტობა
9.1 „მომწოდებელი“ ვალდებულია უზრუნველყოს მომსახურების 99.9%-იანი ხელმისაწვდომობა, გარდა ფორსმაჟორის.
9.2 მომსახურების შეფერხების შემთხვევაში, რომელიც გამოწვეულია „მომწოდებლის“ ბრალეულობით, და მომსახურების წყვეტა არ არის გამოწვეული მე-4 პუნქტით, თანხა დაუბრუნდება მომხმარებელს.

10. აკრძალული კონტენტი
10.1 „მიმღე“ ვალდებულია დაიცვას ადგილობრივი და საერთაშორისო კანონმდებლობა.
10.2 დარღვევის შემთხვევაში, „მომწოდებელს“ შეუძლია შეწყვიტოს მომსახურება ან წაშალოს მომხმარებლის მონაცემები გაფრთხილების გარეშე.

11. დავების გადაწყვეტა
11.1 ნებისმიერ დავას მხარეები შეეცდებიან გადაჭრან მოლაპარაკებით, წინააღმდეგ შემთხვევაში კი მიმართავენ სასამართლოს საქართველოს კანონმდებლობის შესაბამისად.

12. დასკვნითი დებულებები
12.1 ხელშეკრულება ძალაში შედის ხელმოწერის ან ვირტუალური თანხმობის დღიდან.
12.2 ცვლილებები დაუშვებელია, თუ არა მხარეთა ურთიერთშეთანხმებით.
12.3 ყველა ცვლილება წერილობით უნდა გაფორმდეს.
12.4 ხელშეკრულება სრულად ექვემდებარება საქართველოს კანონმდებლობას.